Diere wat vanaf ‘n oorwegende ruvoer dieet soos veldweiding oorgaan na ‘n volvoer, moet geleidelik op die nuwe voer aangepas word. Die rumenbakterieë moet eers kans kry om by die nuwe voer aan te pas, want ‘n volvoer het altyd ‘n hoër proteïen- en energiewaarde as veldweiding.
Diere wat met ‘n volvoer uitgegroei of voorberei word vir skoue of veilings loop die gevaar om suurpens of asidose te ontwikkel tydens die voerproses. Selfs diere wat goed aangepas en al ‘n geruime tyd op dieselfde volvoer was, kan suurpens ontwikkel sodra daar afgewyk word van die daaglikse voeraptroon.
Voer elke dag, en veral oor naweke, dieselfde hoeveelhede voer op dieselfde tye van die dag en maak seker dat daar genoeg vreetspasie is om kompetisie uit te skakel.
Voermeester sluit ‘n giskultuur (Actisaf®) in sekere herkouerrantsoene in om die rumenomgewing te help optimaliseer tydens die voerproses vir nog beter groei.
Die gis bevorder die groei van die melksuur- en veselverterende bakterieë in die rumen. Dit lei tot ‘n meer stabiele pH (suurheidsgraad) na diere gevoer is met rantsoene wat veral hoog is in energie.
Die insluiting van die gis beperk nie net suurpens of asidose in die rumen nie, maar verbeter ook veselvertering.
Die voordelige rumenomgewing dra dus by tot nog beter diereprestasie in herkouers en selfs perde.
Voermeester sluit die produk by die volgende rantsoene in om prestasie nog verder te verbeter:
Stoetveekorrels
Beefpro 14 Korrels
Wildskorrels
Perdevoere
Melkrantsoene
